368.54
Սիրիայի նախագահը վերստին բանակցություններ սկսելու կոչ է արել Իսրայելին
1 րոպեի ընթերցում
ԹԵԼ ԱՎԻՎ, 19 ԴԵԿՏԵՄԲԵՐԻ, ԱՐՄԵՆՊՐԵՍ: Սիրիայի նախագահ Բաշար Ասադը նամակ է հղել Իսրայելի վարչապետ Էհուդ Օլմերտին՝ խոստանալով խաղաղ բանակցությունների վերսկսման դիմաց միջոցներ ձեռնարկել պաղեստինյան ՀԱՄԱՍ շարժման եւ լիբանանյան «Հըզբոլլահե-ի դեմ: Ինչպես հաղորդել է արաբական «Ալ Արաբիաե հեռուստաալիքը, նամակում Ասադը պատրաստակամություն է հայտնել փակել Դամասկոսում ապրող ՀԱՄԱՍ-ի ղեկավարների եւ պաղեստինյան տարածքներում շարժման ներկայացուցիչների կապուղիները, ինչպես նաեւ խոչընդոտել լիբանանցի գրոհայիններին զենքի մատակարարմանը: Մինչ այժմ Դամասկոսի «խաղաղ նախաձեռնություններըե պաղ ընդունելություն էին գտնում Իսրայելում: 2000 թվականին ընդհատված խաղաղ երկխոսությանը վերադառնալն այստեղ պայմանավորում են Դամասկոսի կողմից լիբանանյան «Հըզբոլլահե շարժմանը եւ պաղեստինյան արմատական խմբավորումներին ցույց տրվող աջակցության դադարեցման հետ:
Բաժանորդագրվեք մեր ալիքին Telegram-ում