368.53
Մահմուդ Աբասը չի հրաժարվի վաղաժամկետ ընտրություններ անցկացնելուց
2 րոպեի ընթերցում
ԿԱՀԻՐԵ, 18 ԴԵԿՏԵՄԲԵՐԻ, ԱՐՄԵՆՊՐԵՍ: Պաղեստինյան ազգային վարչակազմի նախագահ Մահմուդ Աբասը հայտարարել է, որ չի հրաժարվի ինքնավարությունում վաղաժամկետ ընտրություններ անցկացնելուց, չնայած բռնության այն ալիքին, որ հետեւեց այդ որոշմանը: «Մեր որոշումը պարզ էր ու հստակ՝ վաղաժամկետ խորհրդարանական ու նախագահական ընտրությունները կկայանանե,-ասել է Աբասը համատեղ մամուլի ասուլիսում, որը նվիրված էր Հորդանան գետի արեւմտյան ափի Ռամալլահ քաղաքում Մեծ Բրիտանիայի վարչապետ Թոնի Բլերի հետ կայացած բանակցությունների արդյունքներին: «Մեր տեսանկյունից ոչինչ դրան չի խանգարումե,-ավելացրել է պաղեստինյան ղեկավարը: Աբասը հիշեցրել է, որ 2005 թվականի սկզբին պաղեստինցիներն իրենք ընտրեցին ինքնավարության վարչակազմի ղեկավարի պաշտոնին: Նա նաեւ ընդունել է, որ ՀԱՄԱՍ շարժումը ժողովրդական լայն աջակցություն ստացավ այս տարվա հունվարին կայացած խորհրդարանական ընտրություններում: «Այժմ մենք պետք է ժողովրդից իմանանք՝ շարունակում է նա արդյոք հավատալ նրան, ում ընտրել էե,-ասել է Աբասը: Նա նշել է, որ ինքնավարության բնակչությունն արդեն ինն ամիս՝ ՀԱՄԱՍ-ի կառավարության ձեւավորման պահից ի վեր ապրում է ծանրագույն տնտեսական ու սոցիալական ճգնաժամի պայմաններում: «Ժողովուրդն այլեւս չի կարող սպասելե,- ընդգծել է Աբասը: Նա հատկապես նշել է, որ ինքնավարությունում չպետք է լինի երկիշխանություն: «Քաղաքական պլյուրալիզմը բնավ չի նշանակում իշխանության երկատում, զինված խմբավորումներ, անկարգություններե,-ասել է պաղեստինյան ղեկավարը:
Բաժանորդագրվեք մեր ալիքին Telegram-ում