368.53
Ամերիկացի կոնգրեսականների պատվիրակությունը հանդես է եկել ԱՄՆ-ի եւ Կուբայի միջեւ երկխոսության օգտին
1 րոպեի ընթերցում
ՀԱՎԱՆԱ, 18 ԴԵԿՏԵՄԲԵՐԻ, ԱՐՄԵՆՊՐԵՍ: Ամերիկացի կոնգրեսականների պատվիրակությունը հանդես է եկել Կուբայի հետ շուտափույթ երկխոսություն սկսելու օգտին ԱՄՆ-ի հետ առկա տարաձայնությունները լուծելու համար: «Եկել է պահը, որ ԱՄՆ-ը երկխոսություն սկսի Կուբայի հետե, թեեւ «չարժե պատրանքներ փայփայել, որ այն կլինի դյուրին եւ դրա արդյունքները՝ երաշխավորվածե,-նշել են կոնգրեսականները համատեղ հայտարարության մեջ: Նրանք կոչ են արել Վաշինգտոնին՝ Հավանայի հետ կոնսուլտացիաներ սկսել գաղթի, թմրանյութերի մաքսանենգության դեմ պայքարի, արդարադատության ոլորտում եւ բնապահպանության բնագավառում համագործակցության հարցերի շուրջ: Տասը մարդուց բաղկացած պատվիրակությունը հանդես է եկել հօգուտ այն բանի, որ Վաշինգտոնն ընդունի Կուբայի ղեկավարի պարտականությունները ժամանակավորապես կատարող Ռաուլ Կաստրոյի վերջերս արած առաջարկությունը: Այցի ընթացքում կոնգրեսականները հանդիպումներ են ունեցել Կուբայի մի շարք պաշտոնական ներկայացուցիչների հետ, բայց Ռաուլ Կաստրոն նրանց այդպես էլ չի ընդունել:
Բաժանորդագրվեք մեր ալիքին Telegram-ում