ՄԱԿ-ի Արդարադատության միջազգային դատարանը Մյանմարին մեղավոր է ճանաչել ռոհինջաների ցեղասպանության մեջ

2 րոպեի ընթերցում

ՄԱԿ-ի Արդարադատության միջազգային դատարանը Մյանմարին մեղավոր է ճանաչել ռոհինջա ժողովրդի նկատմամբ ցեղասպանություն իրականացնելու մեջ և պարտավորեցրել է երկրին միջոցներ ձեռնարկել՝ տուժածներին փոխհատուցում տրամադրելու ուղղությամբ։ Այդ մասին տեղեկացնում է «Արմենպրես»-ը՝ վկայակոչելով Deutsche Welle-ն։

Սա դատարանի պատմության մեջ առաջին դեպքն է, երբ պետությունը պատասխանատվության է ենթարկվում ցեղասպանություն կատարելու համար։

Հաագայում նախագահող դատավոր Յուջի Իվասավան հայտարարել է, որ Մյանմարը ցեղասպանություն է իրականացրել Ռախայն նահանգի հյուսիսում բնակվող ռոհինջա ժողովրդի նկատմամբ՝ դրանով իսկ խախտելով «Ցեղասպանության հանցագործությունը կանխելու և դրա համար պատժի մասին» կոնվենցիայով ստանձնած իր պարտավորությունները։

Որոշումն ընդունվել է ձայների մեծամասնությամբ. 15 դատավորներից ինը պաշտպանել են եզրահանգումը, իսկ վեցը՝ դեմ արտահայտվել։

Դատարանը նաև Մյանմարին պատասխանատու է ճանաչել միջազգային իրավունքի մի շարք այլ խախտումների համար։ Համաձայն վճռի՝ երկիրը պետք է միջոցներ ձեռնարկի փոխհատուցում տրամադրելու, փախստականների վերադարձը հեշտացնելու, բաժանված ընտանիքները վերամիավորելու, ինչպես նաև հանցագործությունների մեջ ներգրավված անձանց պատասխանատվության ենթարկելու ուղղությամբ։

Որոշումը վերաբերում է 2017 թվականի իրադարձություններին, երբ Մյանմարի զինված ուժերը Ռախայն նահանգում ռոհինջա ժողովրդի դեմ սկսեցին այսպես կոչված «մաքրման գործողություններ»՝ ի պատասխան «Փրկության բանակի» զինյալների կողմից ոստիկանական և ռազմական հենակետերի վրա իրականացված հարձակումների։

Ըստ ՄԱԿ-ի տվյալների՝ այդ գործողությունների հետևանքով ավելի քան 700 000 մարդ ստիպված է եղել փախչել հարևան Բանգլադեշ։ Նրանց մեծ մասը մինչ օրս բնակվում է փախստականների ճամբարներում։

 

 

 

Հայերեն Русский

Ռոբերտ Աբիսողոմոնյանը միջազգային համաժողովում կարևորել է «Խաղաղության խաչմերուկ»-ի և «ԹՐԻՓՓ»-ի նշանակությունը Հարավային Կովկասի համար

ՄԱԿ-ի Արդարադատության միջազգային դատարանը Մյանմարին մեղավոր է ճանաչել ռոհինջաների ցեղասպանության մեջ

Նազելի լիճը լուսավորվել է կապույտ գույնով՝ խորհրդանշելով մաքուր, անվտանգ և առողջ միջավայրում մեծանալու երեխաների իրավունքը

Կոպենհագենն ու Նուուկն ինքնիշխանության երաշխիքների դիմաց ԱՄՆ-ին հասանելիություն են տրամադրել դեպի Գրենլանդիա

Ծովինարում հիմնանորոգվում է 4 փողոց

Գավառի թիվ 8 միջնակարգ դպրոցի լաբորատորիան համալրվել է օդի, հողի և ջրի մոնիտորինգի ժամանակակից սարքավորումներով

Անհայտ կորած անձանց հարցերով միջազգային հանձնաժողովն իր փորձով և վարժընթացներով պատրաստ է աջակցել ՀՀ իշխանություններին

Երևանում կասեցվել է առանց ՇՄԱԳ-ի դրական եզրակացության իրականացվող յուղերի վերամշակումը

Կա մեծ հավանականություն, որ առաջիկա տասնամյակներում Կայան-Իջևան-Դիլիջան-Վանաձոր-Սպիտակ-Գյումրի-Ախուրիկ ավտոճանապարհը լինելու է մեր տարածաշրջանի ամենածանրաբեռնված ճանապարհներից. ՀՀ վարչապետ

Պուտինն ամփոփել է Թրամփի և Սի Ծինփինի հետ հանդիպման արդյունքները