Ռուբեն Ռուբինյանը դատապարտում է քաղաքական գործիչների և լրագրողների ընտանիքի անդամների թիրախավորման դեպքերը

2 րոպեի ընթերցում

Ազգային ժողովի նախագահ Ռուբեն Ռուբինյանը քաղաքական գործիչների և լրագրողների ընտանիքի անդամների թիրախավորման դեպքերն անընդունելի է համարում՝ այն տարբերակելով մասնագիտական գործունեության քննադատությունից։

«Արմենպրես»-ի փոխանցմամբ՝ ԱԺ նախագահը նոյեմբերի 17-ին լրագրողների հետ ճեպազրույցում անդրադարձել է լրագրողների և պաշտոնյաների երեխաների հասցեին հրապարակային հայտարարությունների վերաբերյալ հարցին։

«Ընտանիքի անդամների թիրախավորումն անընդունելի բան է»,- ասել է Ռուբինյանը։

Նրա խոսքով՝ լրագրողների աշխատանքի քննադատությունը համարում է իր իրավունքը, ինչպես լրագրողներն իրավունք ունեն քննադատելու իրեն՝ որպես քաղաքական գործչի։

«Խոսքը պրոֆեսիոնալ գործունեության թիրախավորման մասին է, որի իրավունքը ես ունեմ, նույն կերպ, ինչպես դուք իրավունք ունեք թիրախավորել ինձ՝ որպես քաղաքական գործչի։ Թիրախավորումն ինքնին վատ բան չի։ Այսինքն՝ թիրախավորումն ի՞նչ է․ ես ձեզ վերցրել եմ որպես քննադատության թիրախ, դուք էլ նույնը իմ հետ կարող եք անել»,- նշել է նա։

Միաժամանակ Ռուբինյանը դատապարտել է լրագրողների երեխաների և ընտանիքների թիրախավորումը։

«Առանց որևէ «իսկ»-ի և առանց որևէ «դե»-ի ես դատապարտում եմ և՛ ձեր, և՛ ձեր, և՛ ձեր՝ բոլոր ներկա լրագրողների երեխաների և ընտանիքի անդամների թիրախավորումը»,- ընդգծել է ԱԺ նախագահը։

Հիշեցնենք, որ նոյեմբերի 12-ին արդարադատության նախարար Սրբուհի Գալյանը, պատասխանելով «Նուբարաշեն» քրեակատարողական հիմնարկում Արսեն Գևորգյանի մահվան վերաբերյալ հարցերին, հայտարարել էր, որ համացանցում թիրախավորում են նաև իր երեխային։ Նախարարը հիշատակել էր իր հասցեին գրված՝ «տարոսը քո երեխային» արտահայտությունը, ապա հուզվել և ավարտել ճեպազրույցը։

Հայերեն English Español

Հաջորդ տարի նախատեսում ենք սկսել Երևանի խցանումների խնդրի լուծմանն ուղղված քայլերը. Ավինյան

Կրեմլը համաձայն է Ֆինլանդիայի նախագահի հետ՝ Ռուսաստանի հետ երկխոսության անհրաժեշտության հարցում

Ռուբեն Ռուբինյանը դատապարտում է քաղաքական գործիչների և լրագրողների ընտանիքի անդամների թիրախավորման դեպքերը

Մեծ Բրիտանիան ողջունում է Հարավային Կովկասում խաղաղության հաստատման ուղղությամբ առաջընթացը

Հորմուզի նեղուցում գերլցանավ և գազատար նավ են բախվել ականների. ԻՀՊԿ

Ռուսաստանում կայացել է Հայաստանի մշակույթի օրերի եզրափակիչ միջոցառումը

Սլովակիայի համար 120 օրով երկարացվել է ՌԴ-ից նավթի գնման դեպքում ամերիկյան պատժամիջոցներից ազատումը

Բիբլոս Բանկ Արմենիայի կրթաթոշակ ստացած ուսանողները՝ ԵՊՀ-Բանկ ավանդական հանդիպման կենտրոնում

ԱԺ նախագահը հայտարարել է կաթողիկոսի հեռանալու անհրաժեշտության մասին

Սևանա լիճ է բաց թողնվել 705 700 հատ «Գեղարքունի» ենթատեսակի մանրաձուկ