1 րոպեի ընթերցում
Առնվազն երկու մարդ մահացել է, ավելի քան 300 տուն ավերվել է Հնդկաստանի Անդհրա Պրադեշ նահանգում մոլեգնած «Մուրասու» ցիկլոնի հետևանքով։ «Արմենպրես»-ի հաղորդմամբ՝ այս մասին հայտնում է «The Hindu» թերթը։
Լրատվամիջոցի հաղորդմամբ՝ նոյեմբերի 3-ին Անդհրա Պրադեշի հարավային ափերին հարվածած հզոր ցիկլոնային փոթորիկը նաև ավելի քան 52․5 հազար հեկտար տարածքում ոչնչացրել է գյուղատնտեսական մշակաբույսերը և բերքը, ինչպես նաև վնասել է 312 տուն և էլեկտրահաղորդման գծեր։
Անդհրա Պրադեշ նահանգի՝ տարերային աղետների կառավարման վարչության տնօրեն Պրակհար Ջայնը թերթին փոխանցել է, որ ցիկլոնից առավել տուժած շրջանների շուրջ 12 հազար բնակիչներ ապաստանել են աջակցության կենտրոններում։
Հնդկաստանի օդերևութաբանական վարչության տվյալներով՝ փոթորիկի ընթացքում քամու պոռթկումների առավելագույն արագությունը հասել է ժամում 110–120 կիլոմետրի, իսկ Պրակասամ և Բապատլա շրջաններում գրանցվել է մոտ 200 միլիմետր տեղում։