Որոշ պատմություններ սկսվում են գաղափարից, իսկ ամենագեղեցիկները՝ հանդիպումից. Wildberries

Wildberries-ը կշարունակի համագործակցությունը հայ դիզայներների հետ նաև Yerevan Fashion Week-ից հետո

Երևանում հոկտեմբերի 8-11-ը կայացած Yerevan Fashion Week-ին Wildberries-ի մասնակցությունը մեկնարկային հարթակ դարձավ հայ դիզայներների և տեղական բրենդների ներկայացուցիչների հետ հետագա երկխոսության համար։ Հարթակի ընձեռած հնարավորությունները մեծ հետաքրքրություն առաջացրին ոլորտի մասնակիցների շրջանում, որոնք հետաքրքրված են իրենց հավաքածուների առաջխաղացմամբ, նոր գնորդների ներգրավմամբ և բիզնեսի ընդլայնմամբ։

Այսօր դիզայների համար հավաքածուի ստեղծումը բրենդի զարգացման ճանապարհի միայն առաջին փուլն է։ Ոչ պակաս կարևոր են սեփական լսարանի գտնելը, արտադրանքի առաջխաղացումը, նոր շուկաներ դուրս գալը և բրենդի նկատմամբ հետաքրքրությունը իրական վաճառքների վերածելը։ Հենց այս փուլում թվային հարթակները կարող են կարևոր դեր խաղալ՝ բիզնեսի զարգացման համար լրացուցիչ գործիքներ տրամադրելով։

Wildberries-ը դիզայներներին հնարավորություն է տալիս իրենց աշխատանքները ներկայացնել լայն լսարանի, ներգրավել նոր գնորդների և օգտագործել վաճառքի լրացուցիչ ալիք։ Հարթակը նաև հեռանկարներ է բացում Հայաստանի սահմաններից դուրս տեղական բրենդների առաջխաղացման, նոր հավաքածուների նկատմամբ պահանջարկի գնահատման և բիզնեսի աստիճանական ընդլայնման համար։

Yerevan Fashion Week-ի արդյունքներով՝ համագործակցության հետաքրքրություն են հայտնել հայկական նորաձևության ոլորտի ներկայացուցիչները։ Առաջիկայում Wildberries հարթակում կհայտնվեն տեղացի դիզայներների աշխատանքները, ինչը գնորդներին հնարավորություն կտա ծանոթանալու հայկական բրենդներին և ձեռք բերելու նրանց արտադրանքը։

Wildberries-ի մասնակցության առանձին շարունակություն կդառնա նաև համագործակցությունը հայկական Themis բրենդի հետ։ Երկու բրենդների համագործակցության շրջանակում ստեղծված համատեղ նախագիծը կշարունակվի նաև հարթակում։ Առաջիկայում Wildberries × Themis հավաքածուի նմուշները հնարավոր կլինի նախապատվիրել Wildberries-ի կայքում։

Տեղական դիզայներների հետ համագործակցությունը կարող է զարգանալ ոչ միայն հարթակում արտադրանքի ներկայացման, այլև բացառիկ իրերի ստեղծման, համատեղ հավաքածուների և հատուկ նախագծերի իրականացման միջոցով։ Նման նախաձեռնություններն օգնում են բրենդներին ձևավորել սեփական պատմությունը և այն ներկայացնել ավելի լայն լսարանի։

Yerevan Fashion Week-ը դիզայներներին հնարավորություն տվեց իրենց գաղափարները ներկայացնելու մասնագիտական հանրությանը և պոտենցիալ գործընկերներին։ Հաջորդ քայլը նրանց ստեղծած աշխատանքները գնորդների համար հասանելի դարձնելն է։ Wildberries-ը մտադիր է շարունակել երկխոսությունը հայ դիզայներների հետ և ուսումնասիրել նոր համատեղ նախագծերի իրականացման հնարավորությունները։

Wildberries-ի և Themis-ի համագործակցության պատմությունը օրինակներից մեկն է այն բանի, թե ինչպես երկու բրենդների հանդիպումը կարող է նոր նախագծի սկիզբ դառնալ։ Իսկ հայ դիզայներների համար նման նախաձեռնություններին մասնակցությունը կարող է ևս մեկ քայլ լինել գաղափարից և հավաքածուի առաջին ներկայացումից դեպի նոր գնորդներ ու բրենդի հետագա զարգացում։

Որոշ պատմություններ սկսվում են գաղափարից, իսկ ամենագեղեցիկները՝ հանդիպումից։ Եվ երբեմն հենց այդպիսի հանդիպումն է դառնում ավելի մեծ մի բանի սկիզբ։