Սլովենական մրցավարական անձնակազմը կսպասարկի Հայաստան-Լատվիա հանդիպումը

Հաստատվել է ՈՒԵՖԱ Ազգերի լիգայի С 2 խմբի Հայաստան-Լատվիա հանդիպման սպասարկող անձնակազմը։

«Արմենպրես»-ի հաղորդմամբ` հանդիպման գլխավոր մրցավարը Մարտին Մատոշան է, նրա օգնականներն են Մատեյ Ժունիչն ու Ալեքսանդար Կասապովիչը։ 4-րդ պաշտոնյան Միխայել Անտիչն է։

Հայաստան-Լատվիա մրցավեճը կկայանա սեպտեմբերի 28-ին՝ ժամը 20։00-ին, Վազգեն Սարգսյանի անվան «Հանրապետական» մարզադաշտում։