Ինդոնեզիայում փրկարարները լաստանավի վթարից հետո փնտրում են 130 կորած անձանց

Ինդոնեզիայում փրկարարական խմբերը երկրորդ օրն է, ինչ փնտրում են  130 մարդու, որոնք անհետ կորել են Ճավայի ծովում մարդատար նավի խորտակումից հետո: Ինչպես հաղորդում է «Արմենպրես»-ը, այդ մասին հայտնել է տեղի փրկարարական ծառայությունը։

Reuters-ի փոխանցմամբ՝ գործողությանը ներգրավված են 622 աշխատակից և մոտ 12 նավ։ Սեպտեմբերի 14-ի առավոտվա դրությամբ զոհվել է վեց մարդ, ևս 107 ուղևոր և անձնակազմի անդամ փրկվել է։

Virgo Transport 8 նավը, որը տեղափոխում էր 243 ուղևորի, վթարի է ենթարկվել հանգստյան օրերին մոլեգնած սաստիկ  փոթորկի ժամանակ։ Կատարվում է պատահարի պատճառների հետաքննություն: