3 րոպեի ընթերցում
Արմֆլիքս (Armflix) տեսադարանի ամբողջական բովանդակությունը կրկին հասանելի է Uplay հարթակում՝ նորացված և առավել հարմարավետ ձևաչափով։ Uplay-ի բաժանորդները՝ իրենց փաթեթների շրջանակում, կարող են դիտել Արմֆլիքսի արտադրության ֆիլմերն ու սերիալները։
Ucom-ի և Արմֆլիքսի համագործակցության շրջանակում՝ կողմերը շարունակում են լինել բացառիկ գործընկերներ, և Արմֆլիքսի ամբողջական բովանդակությունը հասանելի է միայն Uplay և Armflix հարթակներում։ Uplay-ի բաժանորդներին հասանելի են նաև բոլոր պրեմիերաները․ նոր սերիալները երկու հարթակներում հրապարակվում են միաժամանակ։
«Ucom-ում մենք ձևավորել ենք այնպիսի միջավայր, որտեղ բաժանորդը մեկ վայրում կարող է գտնել իրեն հետաքրքրող որակյալ ու պահանջված բովանդակություն։ Արմֆլիքսի ամբողջական տեսադարանի հասանելիությունը կարևոր է նաև հայկական արտադրության ֆիլմերն ու սերիալները ավելի լայն լսարանի ներկայացնելու տեսանկյունից։ Մենք շարունակելու ենք զարգացնել Uplay-ը՝ ընդլայնելով թե՛ բովանդակության ընտրությունը, թե՛ դիտման հնարավորությունները», - նշել է Ucom-ի գլխավոր տնօրեն Ռալֆ Յիրիկյանը։
Արմֆլիքսի բովանդակությունը ներառված է Uplay-ի համապատասխան փաթեթներում և այլևս հասանելի չէ առանձին բաժանորդագրությամբ կամ մեկանգամյա՝ PPV (Pay-Per-View) գնման տարբերակով։
Armenian VOD փաթեթը նախատեսված է Ucom-ի ֆիքսված կապի (IPTV) բաժանորդների համար։ Ամսական 2 300 դրամ արժողությամբ փաթեթը ներառում է միայն հայկական բովանդակություն՝ ՀայՖիլմի, Արմենիա TV-ի, Շարմի և Արմֆլիքսի հայտնի ֆիլմերը, սերիալներն ու սիթքոմները։
Uplay Premium փաթեթը նախատեսված է Uplay հավելվածի (OTT) բաժանորդների համար։ Ամսական 3 000 դրամ արժողությամբ փաթեթի շրջանակում հասանելի է Արմֆլիքսի ամբողջական տեսադարանը։ Uplay Premium-ի բաժանորդների համար, բացի հարթակում առկա ամբողջ հայկական բովանդակությունից, հասանելի են նաև արտասահմանյան բազմաթիվ ֆիլմեր ու սերիալներ, ինչպես նաև 100 հեռուստաալիք։
Uplay-ից օգտվելու համար պարտադիր չէ լինել Ucom-ի բաժանորդ: Բավական է ներբեռնել հավելվածը, գրանցվել ցանկացած հեռախոսահամարով, կցել բանկային քարտ և ընտրել համապատասխան փաթեթ։