«Օլիմպիակոս»-ը չպահպանեց հաղթական հաշիվը. Տիկնիզյանը չմասնակցեց խաղին

Հայաստանի ֆուտբոլի ազգային հավաքականի պաշտպան Նաիր Տիկնիզյանը չմասնակցեց «Օլիմպիակոս»-ի խաղին:

«Արմենպրես»-ի փոխանցմամբ՝ Հունաստանի ֆուտբոլի առաջնության 3-րդ տուրում «Օլիմպիակոս»-ն արտագնա խաղում մրցեց «Վոլոս»-ի հետ:

«Օլիմպիակոս»-ին հաջողվեց առաջինը բացել հանդիպման հաշիվը: Առաջին կեսի ավելացված 3-րդ րոպեին աչքի ընկավ Ժոտա Սիլվան, որն անվրեպ իրացրեց 11-մետրանոց հարվածը:

Հանդիպման վերջնամասում՝ 76-րդ րոպեին, «Վոլոս»-ը վերականգնեց հաշվի հավասարությունը: Գոլն իր ակտիվում գրանցեց Կոմբան:

«Վոլոս» - «Օլիմպիակոս»՝ 1:1: 

Հայաստանի ֆուտբոլի ազգային թիմի անդամ Նաիր Տիկնիզյանը «Օլիմպիակոս»-ի պահեստայինների շարքում էր և այդպես էլ չմասնակցեց խաղին: