1 րոպեի ընթերցում
Ճապոնիայի հարավային ափին մոտեցող թայֆունը Կագոսիմայի պրեֆեկտուրայում մի քանի հազար մարդու տարհանման պատճառ է դարձել: «Արմենպրես»-ի փոխանցմամբ՝ այս մասին հաղորդում է EFE գործակալությունը։
Օկինավայի պրեֆեկտուրայում տեղի իշխանությունները նախազգուշական միջոցառումների շրջանակներում կարգադրել են չեղարկել դասերը դպրոցներում:
Ճապոնիայի օդերևութաբանական գործակալությունը զգուշացրել է ավերիչ ուժի քամու վտանգավոր պոռթկումների, ինչպես նաև ծովում բարձր ալիքների ռիսկի մասին։ Բնակիչներին խորհուրդ է տրվել չափազանց զգույշ լինել՝ նկատի ունենալով հնարավոր սողանքները, հեղեղումները և ափերից գետերի դուրս գալու վտանգը։
Այժմ թայֆունի էպիկենտրոնը գտնվում է Մինամիդայտո կղզուց 50 կիլոմետր դեպի հյուսիս։ Քամու պոռթկումների առավելագույն արագությունը ներկայում հասնում է 216 կմ/ժ-ի։