ԱՄՆ-ն և ԱՄԷ-ն կստեղծեն ռազմական նպատակներով արհեստական բանականության օգտագործման հարցերով խումբ
1 րոպեի ընթերցում
ԱՄՆ Կենտրոնական հրամանատարության (CENTCOM) տվյալներով՝ Միացյալ Նահանգները և ԱՄԷ-ն ստեղծում են արհեստական բանականության (ԱԲ) ռազմական կիրառման առաջխաղացման աշխատանքային խումբ։
«Հուլիսի 28-ին CENTCOM-ը հայտարարեց ԱՄԷ-ի հետ համաձայնագրի մասին՝ ռազմական նպատակներով ԱԲ կիրառությունների մշակումը արագացնելու համար առաջին երկկողմ աշխատանքային խումբը ստեղծելու վերաբերյալ», - ինչպես հաղորդում է «Արմենպրես»-ը՝ վկայակոչելով ՏԱՍՍ գործակալությունը, այս մասին ասվում է հայտարարության մեջ։
Հրամանատարության տվյալներով՝ Talon Synapse անվամբ աշխատանքային խումբը կգտնվի Աբու Դաբիում և կազմված կլինի մոտավորապես 20 մասնագետներից։ Նախագծի պաշտոնական մեկնարկը նախատեսված է առաջիկա շաբաթներին։ Talon Synapse-ը կկենտրոնանա ԱԲ կիրառությունների ինտեգրման վրա՝ հետախուզությանը աջակցելու, կարևորագույն ենթակառուցվածքները պաշտպանելու և տարածաշրջանային անվտանգության իրավիճակը վերահսկելու համար։