1 րոպեի ընթերցում
Չինաստանի Գանսուի նահանգում hուլիսի 7-ի առավոտյան տեղի ունեցած սողանքի հետևանքով զոհվել է 21 մարդ: «Արմենպրես»-ի փոխանցմամբ՝ այս մասին հաղորդում է Չինաստանի կենտրոնական հեռուստատեսությունը:
Միջադեպի հետևանքով 33 մարդ մնացել է փլվածքների տակ: Ողջ մնացածներին և զոհվածներին արդեն դուրս են բերել: Յոթ մարդ վիրավորվել է, հինգը՝ չի տուժել: Արտակարգ պատահարը տեղի է ունեցել Լունան քաղաքում:
Իր հերթին, Xinhua գործակալությունը հաղորդում է, որ Գուանսի-Չժոունի ինքնավար շրջանում տեղատարափ անձրևների և հեղեղումների պատճառով 6 մարդ է զոհվել, 11-ն անհետ կորած են։ Տուժած տարածքներից 130 000 մարդ է տարհանվել։
Չինաստանում ամառն ավանդաբար ուղեկցվում է տեղատարափ անձրևներով, թայֆուններով, հեղեղումներով և երկրաբանական բնույթի աղետներով: 2025 թվականին Չինաստանում տարերային աղետներից ուղիղ վնասը կազմել է 241,61 միլիարդ յուան (34,5 միլիարդ դոլար): Բնական աղետների հետևանքով զոհվել կամ անհետ կորել է 763 մարդ: