1 րոպեի ընթերցում
Երևանի «Արարատ» ֆուտբոլային ակումբին է միացել Հայաստանի ֆուտբոլի ազգային հավաքականի նախկին ֆուտբոլիստ Վարազդատ Հարոյանը։
«Արմենպրես»-ի հաղորդմամբ` այս մասին հայտնում է «Արարատ» ակումբի մամուլի ծառայությունը:
33-ամյա ֆուտբոլիստն իր հարուստ կարիերայի ընթացքում հանդես է եկել Հայաստանի, Ռուսաստանի, Իրանի, Ղազախստանի, Իսպանիայի, Կիպրոսի, Չինաստանի և Հունգարիայի ակումբներում՝ կուտակելով մեծ միջազգային փորձ։ 2021 թվականին նա ճանաչվել է Հայաստանի տարվա լավագույն ֆուտբոլիստ։
Հարոյանը Հայաստանի հավաքականի կազմում անցկացրել է 92 հանդիպում և դարձել 4 գոլի հեղինակ՝ երկար տարիներ լինելով թիմի առաջատարներից մեկն ու ավագը։