Հայաստանի բասկետբոլի տղամարդկանց թիմը պարտվեց նաև Եվրոբասկետի նախընտրական փուլի վերջին խաղում

Հայաստանի բասկետբոլի տղամարդկանց թիմը  Եվրոբասկետի նախընտրական փուլի վերջին խաղում ևս պարտություն կրեց:

«Արմենպրես»-ի հաղորդմամբ`  Եվրոբասկետի նախընտրական փուլի վերջին տուրում Հայաստանի հավաքականն արտագնա խաղում մրցեց Նորվեգիայի հետ: Սկսած առաջին քառորդից Նորվեգիայի ընտրանին զգալի առավելություն ստացավ, որը պահպանեց բոլոր քառորդներում: Ի վերջո, Հայաստանի հավաքականը զիջեց 116:103 հաշվով:

Եվրոբասկետի նախընտրական փուլում Հայաստանի հավաքականն ընդհանուր առմամբ անցկացրեց 4 հանդիպում: Թիմը բոլոր հանդիպումներում պարտություն կրեց (Բուլղարիա-Հայաստան` 98:88, Հայաստան-Նորվեգիա` 62:74, Հայաստան-Բուլղարիա` 80:100, Նորվեգիա-Հայաստան` 116:103):