1 րոպեի ընթերցում
Ազգային ժողովը քննարկել է Պետական-իրավական հարցերի մշտական հանձնաժողովի նախագահի պաշտոնում Արուսյակ Ջուլհակյանի ընտրության հարցը։ «Արմենպրես»-ի փոխանցմամբ՝ նրա թեկնածությունն առաջադրել է «Քաղաքացիական պայմանագիր» խմբակցությունը։
«Ինձ համար մեծ պատիվ է, միաժամանակ՝ մեծ պատասխանատվություն, հաշվի առնելով այն, որ այս հանձնաժողովն ավանդաբար ամենածանրաբեռնվածն է Ազգային ժողովում»,- նշել է Ջուլհակյանը:
Ազգային ժողովի պետական-իրավական հարցերի մշտական հանձնաժողովի նախագահի պաշտոնը թափուր է 2026 թվականի մարտից, երբ Վլադիմիր Վարդանյանն Ազգային ժողովի կողմից ընտրվեց Սահմանադրական դատարանի անդամ՝ վայր դնելով պատգամավորական մանդատը։