368.44
1 րոպեի ընթերցում
Հայաստանի վարչապետ Նիկոլ Փաշինյանի հրավիրած ավտոերթի մասնակիցները շարժվում են դեպի Գյումրի։
Երթի մասնակիցները տարբեր բնակավայրերից հավաքվել են Աշտարակում, որտեղից էլ շարժվել են դեպի Գյումրի։
«Արմենպրես»-ի փոխանցմամբ՝ ինչպես ավելի վաղ հայտնել էր ՀՀ վարչապետ Նիկոլ Փաշինյանը, երթը նվիրված է Հյուսիս-հարավ ճանապարհի Աշտարակ-Գյումրի հատվածի բացմանը։
Ավտոերթը սկսելուց առաջ վարչապետ Նիկոլ Փաշինյանը նշեց, որ Հյուսիս-հարավ ավտոճանապարհի Աշտարակ-Գյումրի հատվածն ամբողջությամբ պատրաստ է շահագործման՝ շեշտելով, որ Հայաստանի համար շատ կարևոր է նման որակի ճանապարհներ ունենալը։
Ավտոերթի ընթացքում նախատեսված է մեկ կանգառ, որի ընթացքում ՀՀ տարածքային կառավարման և ենթակառուցվածքների նախարար Դավիթ Խուդաթյանը կներկայացնի Աշտարակ-Գյումրի ճանապարհին կատարաված աշխատանքները։
Գյումրիի Վարդանանց հրապարակում էլ ժամը 17։00-ին նախատեսված է համերգ, որում հանդես կգա նաև «Վարչաբենդ» խումբը։