Լիբանանում իսրայելական հարվածների հետևանքով մեկ օրում ավելի քան 30 մարդ է զոհվել

Լիբանանի տարբեր շրջաններում Իսրայելի հասցրած հարվածների հետևանքով ապրիլի 13-ի ընթացքում զոհվել է 34 և վիրավորվել 174 մարդ։

«Արմենպրես»-ի հաղորդմամբ՝ ինչպես փոխանցում է ՌԻԱ Նովոստին, այս մասին հայտնել է Լիբանանի առողջապահության նախարարությունը։

Նշվում է, որ մարտի 2-ին հակամարտության սրվելուց ի վեր Լիբանանում զոհերի թիվը հասել է 2089-ի, իսկ վիրավորներինը՝ 6762-ի։