Մարզային այգիներում աճող բերքի յուրացման հարցում պետք է ցուցաբերվի կենտրոնացված մոտեցում․ ՀՀ վարչապետ
1 րոպեի ընթերցում
ՀՀ կառավարությունը Տավուշի մարզի Խաշթառակ և Բերքաբեր համայնքներում այժմ իրականացնում է պիլոտային ծրագիր, որի համաձայն այգիներում պետք է տնկվեն նույն տեսակի ծառեր։
«Արմենպրես»-ի հաղորդմամբ՝ այդ մասին Եղվարդ համայնքում շրջայցի ժամանակ քաղաքացիների հետ շփվելիս ասաց ՀՀ վարչապետ Նիկոլ Փաշինյանը։
«Պիլոտային ծրագրի համաձայն՝ այգիներում պետք է տնկվեն նույն տեսակի ծառեր, որպեսզի այն մարդիկ, ովքեր ուզում են նույն ապրանքից գնել, իմանան, որ կոնկրետ բնակավայրերում այդ ապրանքից կա։ Ոչ ոք չի ուզում մի արկղ մի համայնքից գնել, հետո ևս մեկ արկղ գնելու համար գնալ 50 կիլոմետր հեռու գտնվող մեկ այլ համայնք։ Այգիներում աճող բերքի յուրացման հարցում պետք է ցուցաբերվի կենտրոնացված մոտեցում»,- ասաց Փաշինյանը։