1 րոպեի ընթերցում
Հայաստանի սպորտային մարմնամարզության տղամարդկանց թիմի անդամները հաջող են մեկնարկել աշխարհի գավաթի խաղարկության հերթական փուլում:
«Արմենպրես»-ի հաղորդմամբ` Եգիպտոսի մայրաքաղաք Կահիրեում ընթացող աշխարհի գավաթի խաղարկությունում առանձին գործիքների եզրափակիչ են դուրս եկել բոլոր 4 մասնակիցները` Մամիկոն Խաչատրյանը (նժույգ-թափեր), Համլետ Մանուկյանը (նժույգ-թափեր), Արթուր Ավետիսյանը (օղակներ), Արթուր Դավթյանը (օղակներ):
Աշխարհի գավաթի խաղարկության այս փուլից անմիջապես հետո Հակոբ Սերոբյանի գլխավորած թիմը կմասնակցի նաև Խորվաթիայի աշխարհի գավաթին: