368.45
Եղիշե Մելիքյանը գոհ է հավաքականի նորեկների կատարած աշխատանքից
1 րոպեի ընթերցում
Հայաստանի ֆուտբոլի ազգային թիմի գլխավոր մարզիչ Եղիշե Մելիքյանը Բելառուսից կրած պարտությունից տխուր է, սակայն գոհ է ֆուտբոլիստների կատարած աշխատանքից:
«Ընդհանուր առմամբ, մեր նախատեսած պլանն աշխատեց: Մենք վերլուծել էինք մրցակցին ու նրանց խաղում նորություն չտեսա: Կարողացանք որոշ դրվագներում հաղթող դուրս գալ, սակայն ցավում եմ գոլայի պահերի համար: Գոլային պահերին ֆուտբոլիստները պետք է բնավորություն ցույց տային»,-«Արմենպրես»-ի հաղորդմամբ` մամուլի ասուլիսի ժամանակ ասաց Մելիքյանը:
Վերջինիս խոսքով` Հայաստանի հավաքականի պաշտպաններն էլ, կիսապաշտպաններն էլ ճիշտ են գործել, սակայն այս խաղում զգացնել է տվել Էդուարդ Սպերցյանի բացակայությունը:
«Մենք ճիշտ ճանապարհի վրա ենք: Ես նրանց աչքերում կրակ եմ տեսնում: Տխուր եմ արդյունքից, բայց գոհ եմ աշխատանքից, որ կատարեցին իմ ֆուտբոլիստները, իսկ վերաբերվում է նորեկներին, ապա նրանցից էլ եմ գոհ, սակայն ոչ բոլորին կտեսնենք ապագայում»,-առանձնացրեց նա:
Հայաստանի ֆուտբոլի ազգային հավաքականը Վազգեն Սարգսյանի անվան Հանրապետական մարզադաշտում ընկերական խաղի շրջանակներում հյուրընկալել էր Բելառուսի թիմին` զիջելով 1:2 հաշվով:
Բաժանորդագրվեք մեր ալիքին Telegram-ում