Մարտունին ամենաշատն եմ սիրում, որովհետև ծնելիության ամենաբարձր ցուցանիշն ունի. Նիկոլ Փաշինյան
1 րոպեի ընթերցում
ՀՀ վարչապետ Նիկոլ Փաշինյանի և «Քաղաքացիական պայմանագիր» կուսակցության ներկայացուցիչների Մարտունի այցելության ժամանակ բնակիչները նրան շնորհակալություն հայտնեցին կառավարության կողմից իրականացված մի շարք ծրագրերի համար։
«Արմենպրես»-ի հաղորդմամբ՝ Մարտունիում շրջայցի ընթացքում բնակիչները Նիկոլ Փաշինյանին երախտագիտություն և շնորհակալություն հայտնեցին, մասնավորապես խաղաղությանն ուղղված քայլերի, առողջապահության համընդհանուր ապահովագրության ներդրման, համայնքի բնակավայրերում դպրոցների, մանկապարտեզների, ճանապարհների ու ջրագծերի կառուցման համար։
«Գիտե՞ք Մարտունին ինչի համար եմ ամենաշատը սիրում, որովհետև ծնելիության ամենաբարձր ցուցանիշն ունի Հայաստանում»,-գոհունակությամբ ընդգծեց վարչապետը։