Հայաստանի հետ խաղաղության ենք հասել ոչ միայն թղթի վրա. Իլհամ Ալիև

2 րոպեի ընթերցում

Ադրբեջանի նախագահ Իլհամ Ալիևը հայտարարել է, որ Հայաստանի ու Ադրբեջանի միջև խաղաղությունը հաստատվել է ոչ միայն թղթի վրա։ 

Ինչպես հաղորդում է «Արմենպրես»-ը, վկայակոչելով ադրբեջանական APA  լրատվական գործակալությունը, Իլհամ Ալիևն այս մասին ասել է Բաքվի XIII գլոբալ ֆորումի բացման արարողության ժամանակ: 

«Ես բազմիցս նշել եմ, որ մենք խաղաղության ենք հասել Հայաստանի հետ ոչ միայն թղթի վրա։ Յոթ ամիս առաջ նախաստորագրվեց խաղաղության համաձայնագիրը և ընդունվեց համատեղ հայտարարություն։ Միևնույն ժամանակ, մենք ապրում ենք խաղաղության իրական աշխարհում։ Սահմանին իրավիճակը հանգիստ է, այլևս փոխհրաձգություններ չկան, և զոհեր կամ կորուստներ չկան։  ԵԱՀԿ Մինսկի խմբի 28-ամյա միջնորդությունը ձախողվեց։ Համանախագահների նպատակը հակամարտությունը լուծելը չէր, այլ այն սառեցնելը և որպես լծակ օգտագործելը երկու երկրների վրա։ Հետևաբար, մենք եզրակացրեցինք, որ այս միջնորդությունից պետք է հրաժարվել։ Սա պարզապես տեսություն չէ, այլ իրական փորձ։ Մենք դա ապրել ենք և այսօր տեսնում ենք դրա արդյունքները։ Հետևաբար, կարծում եմ, որ այս փորձը անպայման հաշվի կառնվի՝ առկա հակամարտությունների լուծումները փնտրելիս»,-իր խոսքում նշել է Ադրբեջանի նախագահը։

Իլհամ Ալիևը հայտարարել է նաև, որ Ադրբեջանի հետ խաղաղությունը թույլ կտա Հայաստանին դառնալ տարանցիկ երկիր: «Մենք սերտորեն աշխատում ենք Միջին միջանցքի ընդլայնման վրա, որն անցնում է նաև Հայաստանի տարածքով։ Իր անկախության պատմության մեջ առաջին անգամ Հայաստանը կարող է դառնալ տարանցիկ երկիր։ Այն դեռևս այդպիսին չէ։ Դրա շնորհիվ մենք կկարողանանք ուղիղ կապ հաստատել Ադրբեջանի հիմնական մասի և մեր էքսկլավի՝ Նախիջևանի Ինքնավար Հանրապետության միջև»,-ասել է նա։

Նա նշել է, որ Ադրբեջանը վերացրել է տարբեր ուղղություններից Հայաստան մտնող ապրանքների տեղափոխման սահմանափակումները։

«Մենք վերացրել ենք տարբեր ուղղություններից Հայաստան մտնող ապրանքների տեղափոխման սահմանափակումները։ Մենք վերսկսել ենք առևտուրը և նավթամթերքի էական արտահանումը այս երկիր»,-հավելել է Ալիևը։

Հայերեն العربية English فارسی Türkçe

Հայաստանը թակարդից հանել ենք. Փաշինյան

Վարչապետը հարավում սահմանազատումը համարում է ԹՐԻՓՓ-ի իրագործման կարևոր հանգրվաններից մեկը

Վանաձոր համայնքի տիրապետմանն է վերադարձվել Հրանտ Մաթևոսյանի անվան այգու տարածքում գտնվող 18-րդ հողատարածքը

Իսրայելը մտադիր չէ հեռանալ Սիրիայից, Լիբանանից և Գազայից, մինչև սպառնալիքները լիովին չվերանան

Team Group-ը Digitec-ի ռազմավարական գործընկերն է․ խումբը կներկայացնի իր տեխնոլոգիական էկոհամակարգն ու նորարարական լուծումները

Նիկոլ Փաշինյանն ընդունել է Գերմանիայի ԱԳ նախարարի գլխավորած պատվիրակությանը

ՄԻՊ աշխատակազմի ներկայացուցիչները բարձրաձայնել են Հայաստանում հոգեկան առողջության ոլորտի համակարգային խնդիրները

Իրանը հայտնել է Հորմուզի նեղուցի արևելքում ամերիկյան MQ-9 ԱԹՍ խոցելու մասին

Մասիսի բժշկական կենտրոնը նախատեսվում է շահագործման հանձնել հաջորդ տարվա սկզբին

ՀՀ ԿԲ. թանկարժեք մետաղների գներ և փոխարժեքներ -18/11/26