Հրթիռային հարվածից վնասվել է Թեհրանի հայկական թաղամասում գտնվող բնակելի շենք

Ամերիկայի և Իսրայելի կողմից Իրանի ուղղությամբ հրթիռային հարվածների հետևանքով վնասվել է Թեհրանի հայկական Մաջիդիե թաղամասում գտնվող բնակելի շենքը։ «Արմենպրես»-ն այս մասին տեղեկանում է Հայաստանում Իրանի դեսպանության X-ի էջում կատարված գրառումից և տեսանյութից

«Ըստ վերջին տվյալների՝ բարեբախտաբար, բնակչության շրջանում զոհեր չկան, սակայն որոշ բնակիչներ հայտնվել են փլատակների տակ»,– ասված է գրառման մեջ։

Ընդգծվում է, որ Մաջիդիեն Թեհրանի հին հայկական թաղամասերից մեկն է։ Այն հայտնի է իր աշխույժ կյանքով և զարգացած ենթակառուցվածքներով, որոնց ստեղծման ու զարգացման մեջ զգալի դերակատարություն են ունեցել իրանահայերը։