1 րոպեի ընթերցում
Նյու Յորքում ստորագրվել է Համատեղ կոմյունիկե՝ Հայաստանի Հանրապետության և Սամոայի Անկախ Պետության միջև դիվանագիտական հարաբերությունների հաստատման վերաբերյալ։
«Արմենպրես»-ի հաղորդմամբ՝ այս մասին հայտնում են Միավորված ազգերի կազմակերպությունում Հայաստանի Հանրապետության մշտական ներկայացուցչությունից։
Նշվում է, որ Կոմյունիկեն ստորագրել են ՄԱԿ-ում ՀՀ մշտական ներկայացուցիչ Պարույր Հովհաննիսյանը և Սամոայի մշտական ներկայացուցիչ Ֆատումանավա Պաոլելեի Լուտերուն:
«Այսպիսով, Սամոան դարձավ 187-րդ երկիրը, որի հետ Հայաստանի Հանրապետությունը հաստատել է դիվանագիտական հարաբերություններ»,-ասված է ներկայացուցչության հաղորդագրության մեջ: