Պատմական մրցաշրջանի ավարտը. «Նոա»-ն լքում է Կոնֆերենցիաների լիգան

Ֆուտբոլի Կոնֆերեցիաների լիգայի անցումային փլեյ-օֆֆի պատասխանում խաղում Հայաստանի չեմպիոն «Նոա»-ն հյուընկալվեց նեռլանդական «ԱԶ Ալկմար»-ին:

«Արմենպրես»-ի թղթակցի հաղորդմամբ` «AFAS» մարզադաշտում կայացած խաղում տրիբունաններն այդպես էլ ամբողջապես չլցվեցին: Հանդիպման մեկնարկային րոպեներին «ԱԶ Ալկմար»-ը տիրում էր նախաձեռնությանն ու խաղի 5-րդ րոպեին բացեց հանդիպման հաշիվը: Դիպուկ հարվածով աչքի ընկավ Դալը: «ԱԶ Ալկմար»- այնուհետև կրկնապատկեց հաշվի տարբերությունը ստանդարտ դիրքի խաղարկումից հետո: Գոլն իր ակտիվում գրանցեց Միջնանսը:

Երկրորդ կեսի մեկնարկում «Նոա»-ի տուգանային հրապարակում արագ կողմնորոշվեց և գնդակը դարպասն ուղարկեց նույն Միջնանսը՝ դառնալով դուբլի հեղինակ: «ԱԶ Ալկմար»-ին խաղավարտին մոտ հաջողվեց նաև 4-րդ գնդակն ուղարկել մրցակցի դարպասը: Գոլը հեղինակեց Զենսենը: «Նոա»-ին այդպես էլ չհաջողվեց բեկել հանդիպմանը ընթացքն ու թիմը զիջեց այս խաղում՝ լքելով Կոնֆերենցիաների լիգան:

«ԱԶ Ալկմար»- «Նոա»`4:0:

Թիմերի առաջին խաղում, որը կայացել էր Երևանում «Նոա»-ն հաղթել էր նվազագույն հաշվով: Երևանի «Նոա»-ն այս մրցաշրջանում պատմական արդյունք հասավ` դառնալով հայկական առաջին ակումբը, որը կարողացավ Կոնֆերենցիաներին լիգայի անցումային փլեյ-օֆֆի ուղեգիր նվաճել: