Արգենտինայում ՀՀ դեսպանն ու Պերուի ԱԳ փոխնախարարը քննարկել են երկկողմ համագործակցությանն առնչվող հարցեր

Պերուի մայրաքաղաք Լիմա կատարած այցի շրջանակում՝ Արգենտինայում Հայաստանի Հանրապետության դեսպան Հովհաննես Վիրաբյանը հանդիպել է Պերուի արտաքին գործերի նախարարի տեղակալ Ֆելիքս Դենեգրի Բոսայի հետ։

«Արմենպրես»-ի փոխանցմամբ՝ այս մասին հայտնում է Արգենտինայում ՀՀ դեսպանությունը։

Նշվում է, որ հանդիպման ընթացքում զրուցակիցները քննարկել են երկկողմ և բազմակողմ օրակարգի հարցեր, ինչպես նաև համագործակցության հեռանկարները: