ԵՄ-ն կասկածի տակ է դնում Խաղաղության խորհրդի համատեղելիությունը ՄԱԿ-ի կանոնադրության հետ. Կոշտա
1 րոպեի ընթերցում
ԵՄ գագաթնաժողովի մասնակիցները կասկած են հայտնել ՄԱԿ-ի կանոնադրության հետ ԱՄՆ-ի կողմից ստեղծվող Խաղաղության խորհրդի համատեղելիության հարցում: Ինչպես «Արմենպրես»-ը տեղեկանում է ՏԱՍՍ գործակալությունից, այդ մասին հայտարարել է Եվրոպական խորհրդի նախագահ Անտոնիու Կոշտան Գրենլանդիայի հարցով ԵՄ արտակարգ գագաթնաժողովի արդյունքներին նվիրված մամուլի ասուլիսում:
«Մենք հիմնավոր կասկածներ ունենք ՄԱԿ-ի սկզբունքներին և կանոնադրությանը Խաղաղության խորհրդի համապատասխանության հարցում», - ընդգծել է Կոշտան։
Նա միևնույն ժամանակ պատրաստակամություն է հայտնել շարունակելու աշխատանքն ԱՄՆ-ի հետ Գազայում խաղաղության հաստատման համար՝ առանց այդ կառույցին մասնակցության: