ԵՄ դիտորդներն իրենց առաքելության գործունեությունն են ներկայացրել Ստրասբուրգից ժամանած ուսանողներին
1 րոպեի ընթերցում
Հայաստանում Եվրոպական միության դիտորդական առաքելությունը Եղեգնաձորի իր գլխամասային գրասենյակում հյուրընկալել է ուսումնական այցով Հայաստան ժամանած Ստրասբուրգի համալսարանի մագիստրոսական ծրագրի ուսանողներին։
«Արմենպրես»-ի փոխանցմամբ՝ այս մասին նշված է ՀՀ-ում ԵՄ դիտորդական առաքելության X-ի միկրոբլոգում տարածված գրառման մեջ։
«Մեծ սիրով ողջունեցինք Ստրասբուրգի համալսարանի մագիստրոսական ուսանողներին և ներկայացրինք Հայաստանում Եվրոպական միության դիտորդական առաքելության մանդատն ու գործունեությունը՝ Հարավային Կովկաս կատարած նրանց ուսումնական այցի շրջանակներում»,-ասված է գրառման մեջ։