368.59
Իսպանիայում արագընթաց գնացքների բախման հետևանքով զոհերի թիվը հասել է 39-ի
1 րոպեի ընթերցում
Իսպանիայի հարավում արագընթաց գնացքների բախման հետևանքով զոհերի թիվը հասել է 39-ի։ Վիրավոր է 152 մարդ։ Ինչպես հաղորդում է «Արմենպրես»-ը, ոստիկանության հաղորդած տվյալները փոխանցել է իսպանական RTVE հեռուստաընկերությունը։
Հունվարի 18-ին Իսպանիայի հարավում՝ Կորդոբա նահանգի Ադամուզ քաղաքի մոտակայքում արագընթաց գնացքը գծերից դուրս է եկել և բախվել է հանդիպակաց մեկ այլ գնացքի՝ այն դուրս մղելով գծերից։
Երկու գնացքներում եղել է շուրջ 400 ուղևոր, մեծամասամբ՝ իսպանացիներ։
Վթարի պատճառները դեռևս հայտնի չեն։
Վարչապետ Պեդրո Սանչեսը չեղարկել է օրակարգով նախատեսված բոլոր հանդիպումները։
Մադրիդի և հարավային Անդալուզիայի տարածաշրջանի, այդ թվում՝ խոշոր քաղաքներ Կորդոբայի, Սևիլյայի և Գրանադայի միջև ավելի քան 200 գնացքի երթևեկությունը հունվարի 19-ի համար չեղարկված է։
Բաժանորդագրվեք մեր ալիքին Telegram-ում