Վարչապետի մամուլի քարտուղարը լրագրողներին հորդորում է հարգել Բաքվից վերադարձված անձանց անձնական կյանքի իրավունքը

Հայաստանի Հանրապետության վարչապետի մամուլի քարտուղար Նազելի Բաղդասարյանը լրագրողներին հորդորում է առավելագույն պատասխանատվությամբ և զգայունությամբ մոտենալ Ադրբեջանի Հանրապետությունից Հայաստանի Հանրապետություն վերադարձված անձանց թեմային։ «Արմենպրես»-ի փոխանցմամբ՝ այս մասին Բաղդասարյանը գրել է «Ֆեյսբուք»-ի իր էջում։

«Հորդորում ենք հարգել նրանց և նրանց ընտանիքների անձնական կյանքի իրավունքը, ինչպես նաև իրենց կողմից կայացված որոշումները՝ հանրայնացման, տեսալուսանկարահանման կամ հրապարակայնության այլ ձևերի վերաբերյալ»,- նշել է Նազելի Բաղդասարյանը։

2026 թվականի հունվարի 14–ին Ադրբեջանը Հայաստանին է վերադարձրել 4 գերիների՝ Գեւորգ Սուջյանին, Դավիթ Դավթյանին, Վիգեն Էուլջեքջյանին և Վագիֆ Խաչատրյանին։