Ըմբիշներն ուսումնամարզական հավաք են անցկացնում Ծաղկաձորում

Հայաստանի ազատ ու հունահռոմեական ոճի ըմբշամարտի հավաքականները մրցաշրջանի առաջին ուսումնամարզական հավաքն անցկացնում են Ծաղկաձորում:

«Արմենպրես»-ի հաղորդմամբ` այս մասին հայտնում է Հայաստանի ըմբշամարտի ֆեդերացիան: Ազգային հավաքականներն ու Մ23 ընտրանիները փետրվարի 6-8-ը Էստոնիայի մայրաքաղաք Տալլինում կմասնակցեն միջազգային մրցաշարի:

Այս հավաքին մասնակցում են երկու տարիքային խմբերի հավաքականները:

Ըմբշամարտի Եվրոպայի առաջնությունն այս տարի կկայանա Ալբանիայում` ապրիլի 20-26-ը, իսկ աշխարհի առաջնությունը` Բահրեյնում` հոկտեմբերի 24-ից դեկտեմբերի 1-ը: