1 րոպեի ընթերցում
Չարենցավանի քաղաքային մարզադաշտին կից մարզահամալիրում կայացան Հայաստանի ազատ ոճի ըմբշամարտի մեծահասակների 2025 թվականի առաջնության եզրափակիչները:
«Արմենպրես»-ի հաղորդմամբ` ըստ քաշային կարգերի այս տարվա չեմպիոններ դարձան ու ազգային թիմը համալրեցին Մավել Խնձրցյանը (57 կգ), Մեժլում Մեժլումյանը (61 կգ), Արման Մուսիկյանը (65 կգ), Վազգեն Թևանյանը (70 կգ), Նարեկ Հարությունյանը (74 կգ), Հրայր Ալիխանյանը (79 կգ), Ռազմիկ Եփրեմյանը (86 կգ), Կնյազ Իբոյանը (92 կգ), Գուրգեն Սիմոնյանը (97 կգ), Մարտին Սիմոնյանը (125 կգ):
Հայաստանի ըմբշամարտի ֆեդերացիայի նախաձեռնությամբ առաջնության ընթացքը դատելու` մրցավարական աշխատանքի համար հրավիրվել էին 5 օտարերկրացի մրցավարներ: