Եվրոպական խորհրդարանը հավանություն է տվել ռուսական գազից փուլային տարբերակով հրաժարվելու ծրագրին

Եվրոպական խորհրդարանը հավանություն է տվել մինչև 2027 թվականի ավարտը ռուսական գազի ներկրումից փուլային տարբերակով հրաժարվելու ԵՄ ծրագրին։

«Արմենպրես»-ի փոխանցմամբ՝ այս մասին հայտնում է Reuters գործակալությունը։

Օրենսդիրներից նախագծին կողմ է քվեարկել 500-ը, 120 հոգի դեմ է եղել, 32-ը՝ ձեռնպահ։ Ռուսական գազից հրաժարվելու վերջնական որոշումը պետք է կայացնեն ԵՄ նախարարները, այդ քննարկումը նախատեսված է 2026 թվականի սկզբին։ 

Եթե ծրագիրը վերջնականապես հաստատվի, ԵՄ-ն ռուսական հեղուկ բնական գազի ներմուծումից կհրաժարվի մինչև 2026 թվականի ավարտը, իսկ խողովակաշարային գազից՝ մինչև 2027 թվականի հոկտեմբեր ամիսը։