1 րոպեի ընթերցում
Ղրղզստանում Հայաստանի Հանրապետության դեսպան Արմեն Ղևոնդյանը (նստավայրը՝ Աստանա) Բիշքեկում հանդիպել է Ղրղզական Հանրապետության պաշտպանության նախարարի առաջին տեղակալ գնդապետ Տալայբեկ Շարշեևի հետ։
«Արմենպրես»-ի հաղորդմամբ՝ այս մասին հայտնում են Ղազախստանում ՀՀ դեսպանությունից՝ ներկայացնելով հանդիպման մանրամասները։
Նշվում է, որ հանդիպման ընթացքում դեսպան Ղևոնդյանը ներկայացրել է Ղրղզստանում Հայաստանի դեսպանությանը կից ռազմական կցորդ, գնդապետ Արայիկ Նորոյանին։
Հանդիպմանը մտքեր են փոխանակվել Հայաստանի և Ղրղզստանի պաշտպանական գերատեսչությունների միջև երկկողմ փոխգործակցության արդի իրավիճակի և վերջինիս զարգացման հետագա հեռանկարների շուրջ, այդ թվում՝ ռազմատեխնիկական համագործակցության բնագավառում։