2 րոպեի ընթերցում
Կատարի մայրաքաղաք Դոհայում կայացել է FIFA The Best մրցանակաբաշխությունը, որի ընթացքում ՖԻՖԱ-ն հայտարարել է տարվա լավագույն ֆուտբոլիստի, դարպասապահի ու մարզչի անունները։
Հայաստանի ազգային հավաքականի գլխավոր մարզիչ Եղիշե Մելիքյանն ու ավագ Էդուարդ Սպերցյանը նույնպես մասնակցել են նշված անվանակարգերի քվեարկությանը։
«Արմենպրես»-ի փոխանցմամբ՝ Հայաստանի ֆուտբոլի ֆեդերացիան հրապարակել է Հայաստանի ազգային հավաքականի գլխավոր մարզչի և ավագի քվեարկությունները։
Եղիշե Մելիքյան, Հայաստանի ազգային հավաքականի գլխավոր մարզիչ
Լավագույն ֆուտբոլիստ
1) Լամին Յամալ
2) Ուսման Դեմբելե
3) Վիտինյա
Լավագույն մարզիչ
1) Լուիս Էնրիկե
2) Հանս-Դիտեր Ֆլիկ
3) Միկել Արտետա
Լավագույն դարպասապահ
1) Ջանլուիջի Դոննարումա
2) Յան Զոմեր
3) Դավիդ Ռայա
Էդուարդ Սպերցյան, Հայաստանի ազգային հավաքականի ավագ
Լավագույն ֆուտբոլիստ
1) Ուսման Դեմբելե
2) Պեդրի
3) Կիլիան Մբապե
Լավագույն մարզիչ
1) Լուիս Էնրիկե
2) Առնե Սլոթ
3) Միկել Արտետա
Լավագույն դարպասապահ
1) Ջանլուիջի Դոննարումա
2) Յան Զոմեր
3) Տիբո Կուրտուա
Ընդհանուր քվեարկության արդյունքներով 2025 թվականի լավագույն ֆուտբոլիստ է ճանաչվել ՊՍԺ-ի հարձակվող Ուսման Դեմբելեն, լավագույն մարզիչ՝ ՊՍԺ-ի գլխավոր մարզիչ Լուիս Էնրիկեն, իսկ լավագույն դարպասապահը «Մանչեսթեր Սիթի»-ի դարպասապահ Ջանլուիջի Դոննարուման է։