Բռնցքամարտիկ Ռաֆայել Հովհաննիսյանը դուրս եկավ ԱԱ-ի քառորդ եզրափակիչ

Հայաստանը ներկայացնող մարզիկները շարունակում են ելույթները IBA-ի աշխարհի առաջնությունում:

«Արմենպրես»-ի հաղորդմամբ` ԱՄԷ-ի Դուբայ քաղաքում ընթացող IBA-ի բռնցքամարտի աշխարհի առաջնությունում 63,5 կգ քաշային կարգում հանդես եկող Նարեկ Հովհաննիսյանը պարտություն կրեց Ղրղզստանի  ներկայացուցիչ Օման Լիվազայից: Պարտվեց նաև 54 կգ քաշային Դավիթ Եգորյանը, ով զիջեց Նեպալից Չանդրա Տխապային:

Աշխարհի առաջնության քառորդ եզրափակիչ դուրս եկավ 86 կգ քաշային Ռաֆայել Հովհաննիսյանն, ով պայքարից դուրս թողեց Իսրայելից Յան Զակին: 

IBA բռնցքամարտի աշխարհի առաջնությունն անցկացվում է ԱՄԷ-ի Դուբայ քաղաքում դեկտեմբերի 2-13-ը: Մրցաշարի մրցանակային ֆոնդը կազմում է 8 միլիոն դոլար: Առաջին տեղը զբաղեցրած բռնցքամարտիկները կստանան 300 հազար դոլար, երկրորդը` 150 հազար, երրորդը` 75 հազար և չորրորդը` 10 հազար դոլար, որից 50 տոկոսը կլինի բռնցքամարտիկինը, 25-ական տոկոսը մարզիչներինը ու ազգային ֆեդերացիաներինը: Միջազգային օլիմպիական կոմիտեի որոշմամբ Օլիմպիական խաղերի որակավորման մրցաշարերը չի անցկացնում IBA-ն: