Պետք է թույլ չտանք, որ որևէ մեկը հարգանքի տուրքի օրը վերածի սադրանքի կամ արկածախնդրության օրվա. Նազելի Բաղդասարյան
1 րոպեի ընթերցում
Հայաստանի վարչապետի մամուլի քարտուղար Նազելի Բաղդասարյանը հայտարարել է, որ պետք է թույլ չտալ, որպեսզի Սպիտակի ավերիչ երկրաշարժի տարելիցի օրը՝ դեկտեմբերի 7-ին, որևը մեկը վերածի արկածախնդրության կամ սադրանքի։
«Արմենպրես»-ի փոխանցմամբ՝ Նազելի Բաղդասարյանն այդ մասին գրել է «Ֆեյսբուք»-ի իր էջում։
«Դեկտեմբերի 7-ը ոգեկոչման, ոչ թե շահարկման օր է։ Ցավը, հիշատակը և սգացող մարդկանց վիշտը որևէ նպատակով օգտագործելը անթույլատրելի է։
Վաղը՝ դեկտեմբերի 7-ին, մենք պիտի կանգնենք կողք կողքի՝ հիշելու, խնկարկելու, խոնարհվելու և ուժ տալու միմյանց։ Եվ ուրեմն, մենք պետք է թույլ չտանք, որ հարգանքի տուրքի օրը որևէ մեկը՝ լինի հոգևորական, թե աշխարհիկ, այն վերածի արկածախնդրության կամ սադրանքի։
Հիշատակի սրբության անարգման ցանկացած փորձ ոտնահարում է մեր հասարակության արժանապատվությունը, և նման վարքագիծը մեզանում տեղ չունի։
Հարգե՛ք քաղաքիս չսպիացող վերքը»,- գրել է Բաղդասարյանը։
Հիշեցնենք, որ դեկտեմբերի 7-ին Հայաստանի վարչապետ Նիկոլ Փաշինյանը պառրաստվում է պատարագի մասնակցել Գյումրիի Յոթ վերք եկեղեցում։