Դեսպան Մկրտչյանն ու կոնգրեսական Ֆայնը քննարկել են Հայաստան-ԱՄՆ հարաբերությունների հետագա խորացումը

Միացյալ Նահանգներում Հայաստանի Հանրապետության դեսպան Նարեկ Մկրտչյանը հանդիպել է ԱՄՆ կոնգրեսի անդամ Ռենդի Ֆայնին։

«Արմենպրես»-ի փոխանցմամբ՝ այս մասին հայտնում են ԱՄՆ-ում ՀՀ դեսպանությունից։

Նշվում է, որ զրուցակիցները քննարկել են Հայաստան-ԱՄՆ հարաբերությունների հետագա խորացումը, ինչպես նաև խորհրդարանական համագործակցությունը։

Դեսպանության փոխանցմամբ՝ հանդիպմանն անդրադարձ է կատարվել տարածաշրջանային վերջին զարգացումներին, ռազմավարական համագործակցության խորացմանը, ինչպես նաև երկկողմ գործընկերությունն ընդլայնելու հնարավորություններին։