Ուրուգվայի Պունտա դել Էստե քաղաքում առաջիկայում բացվելու է ՀՀ պատվավոր հյուպատոսություն

Ուրուգվայում Հայաստանի Հանրապետության դեսպան Մարիամ Գևորգյանն աշխատանքային այց է կատարել Մալդոնադո նահանգ և հանդիպել նահանգապետ Միգել Աբեժայի հետ:

«Արմենպրես»-ի հաղորդմամբ՝ այս մասին հայտնում են Ուրուգվայում ՀՀ դեսպանությունից։

Հաղորդվում է, որ զրուցակիցները քննարկել են տարբեր ոլորտներում համագործակցություն ծավալելու և համատեղ ծրագրեր իրականացնելու հնարավորությունները: 

Հանդիպման ընթացքում կողմերը գոհունակությամբ նշել են, որ առաջիկայում Մալդոնադո նահանգի Պունտա դել Էստե քաղաքում բացվելու է Հայաստանի Հանրապետության պատվավոր հյուպատոսությունը: