Ոստիկանության Գվարդիայի ծառայողները գողության և թմրամիջոց պահելու դեպք են բացահայտել

Հայաստանի Հանրապետության ներքին գործերի նախարարության ոստիկանության Գվարդիայի ծառայողները նոյեմբերի 28-ի ժամը 22․30-ին Ծիծեռնակաբերդի խճուղում գտնվող առևտրի կենտրոնում հայտնաբերել, գողություն կատարելու և թմրամիջոց պահելու կասկածանքով ձերբակալել և Համայնքային ոստիկանության Մալաթիայի բաժին են տեղափոխել 39-ամյա մի տղամարդու։

«Արմենպրես»-ի հաղորդմամբ՝ այս մասին հայտնում է Ներքին գործերի նախարարությունը՝ մանրամասնելով, որ ձերբակալված տղամարդու մոտ հայտնաբերվել է գողացված հագուստ։

ՆԳՆ-ի փոխանցմամբ՝ անձնական խուզարկությամբ 39-ամյա տղամարդու մոտ հայտնաբերվել են դեղնականաչավուն և բյուրեղանման զանգվածներ, հեղուկով տարա և էլեկտրական կշեռք։ 

Նշվում է, որ տղամարդը և կազմված փաստաթղթերը ներկայացվել են նախաքննական մարմին։