Հայաստանի կարատեի ընտրանու անդամ Սուրեն Հարությունյանը դարձել է ԱԱ-ի բրոնզե մեդալակիր

Հայաստանի կարատեի ազգային թիմի անդամ Սուրեն Հարությունյանը դարձել է աշխարհի առաջնության բրոնզե մեդալակիր:

«Արմենպրես»-ի հաղորդմամբ` Եգիպտոսի մայրաքաղաք Կահիրեում ընթացող կարատեի աշխարհի առաջնության 75 կգ քաշային կարգի բրոնզե մեդալի համար գոտեմարտում Հայաստանի ընտրանու անդամ Սուրեն Հարությունյանը մրցեց ԱՄՆ ներկայացուցիչ Թոմաս Սքոթի հետ ու առավելության հասավ 2:0 հաշվով` դառնալով աշխարհի առաջնության երրորդ մրցանակակիր: