Հայ հրաձիգներն արծաթե մեդալներ են նվաճել Լեհաստանի միջազգային մրցաշարում

Հայաստանի հրաձգության հավաքականի անդամներն առաջին մեդալներն են նվաճել Լեհաստանի միջազգային մրցաշարում: 

«Արմենպրես»-ի հաղորդմամբ` այս մասին հայտնում է Հայաստանի հրաձգության ֆեդերացիայի մամուլի ծառայությունը:

Լեհաստանի Բիալիստոկ քաղաքում ընթացող  միջազգային մրցաշարում Բենիկ Խլղաթյանն ու Էլմիրա Կարապետյանը 10 մետր օդամղիչ ատրճանակ միքս մրցաձևի որակավորման փուլում խոցել են 575 միավոր և առաջին հորիզոնականով անցել եզրափակիչ փուլ։

Եզրափակչում Խլղաթյան-Կարապետյան զույգը 11:17 հաշվով զիջել է Ուկրաինայի թիմին՝ դառնալով մրցաշարի փոխչեմպիոն։