Հայտնի են ձմեռային զորակոչի և զորացրման օրերը

Կառավարությունն ընդունել է «Շարքային կազմի պարտադիր զինվորական ծառայության 2025 թ. ձմեռային զորակոչ հայտարարելու և զորացրում կատարելու մասին» որոշում: 

«Արմենպրես»–ի փոխանցմամբ՝ Կառավարության տարածած հաղորդագրության մեջ նշվում է, որ նախատեսվում է զորակոչի շրջանակում ԶՈՒ համալրման ժամկետը սահմանել 2026 թ. հունվարի 7-ից մինչև հունվարի 31-ը, իսկ պարտադիր զինվորական ծառայություն անցած զինծառայողների զորացրումն իրականացնել 2026թ. հունվարի 8-ից մինչև հունվարի 31-ը ներառյալ: 

Որոշմամբ կարգավորվում է նաև կամավոր հիմունքներով շարքային կազմի պարտադիր զինվորական ծառայություն անցնելու ցանկություն հայտնած իգական սեռի, ինչպես նաև օրենքի 19-րդ հոդվածի 1.2-րդ մասում նշված արական սեռի քաղաքացիների զորակոչը: