Հայտարարվել է Հյուսիս-հարավի Սիսիան-Քաջարան ճանապարհի հյուսիսային հատվածի շինաշխատանքների միջազգային բաց մրցույթ

«Ճանապարհային դեպարտամենտ» հիմնադրամը Ճանապարհային հատվածի կայուն և ներառական բարելավման ծրագրի շրջանակներում 2025թ. նոյեմբերի 13-ին հայտարարել է Սիսիան-Քաջարան ճանապարհի Հյուսիսային հատվածի շինարարության միջազգային բաց մրցույթ։

«Արմենպրես»-ի փոխանցմամբ՝ այս մասին հաղորդագրություն է տարածել «Ճանապարհային դեպարտամենտ»-ը։ 

Աշխատանքները ներառում են Սիսիան-Քաջարան ճանապարհի Հյուսիսային հատվածի՝ 27.1կմ երկարությամբ երկու երթևեկելի գոտով նոր ճանապարհի կառուցում։

Կապալառուն պետք է աշխատանքներն իրականացնի մանրամասն նախագծի և տեխնիկական պայմանների պահանջների համաձայն, որոնք մրցութային փաթեթի մաս են կազմում։

Հայտերի ներկայացման վերջնաժամկետն է 2025 թվականի դեկտեմբերի 24-ը՝ ժամը 16։00 (Երևանի ժամանակով)։

Լրացուցիչ տեղեկություններ կարող եք ստանալ հետևյալ հղումով։