Սահմանազատման արդյունքում պետք է վերադարձնենք Արծվաշենը և ՀՀ մյուս օկուպացված ինքնիշխան տարածքները. վարչապետ
1 րոպեի ընթերցում
Հայաստանի և Ադրբեջանի միջև սահմանազատման գործընթացի արդյունքում պետք է վերադարձվի Արծվաշենը և ՀՀ մյուս օկուպացված ինքնիշխան տարածքները։ Ինչպես փոխանցում է «Արմենպրես»-ը, այս մասին ՀՀ վարչապետ Նիկոլ Փաշինյանը գրել է «Ֆեյսբուքի» իր էջում։
«Սահմանազատման արդյունքում մենք պետք է վերադարձնենք Արծվաշենը եւ ՀՀ մյուս օկուպացված ինքնիշխան տարածքները»,- գրել է վարչապետը։
Ավելի վաղ, ՀՀ վարչապետ Նիկոլ Փաշինյանը տարբեր հարթակներից հայտարարել է, որ սահմանազատման և անկլավների հարցը միշտ եղել է Երևանի և Բաքվի բանակցային օրակարգում։ Փաշինյանի խոսքով՝ Հայաստանը չի կարող հրաժարվել այս թեմայից, քանի որ ունի Արծվաշենը՝ իրավական առումով հիմնավորված պահանջ։
Փաշինյանը նշել էր նաև, որ ՀՀ անվտանգության ու ընդհանուր ռազմավարության հիմքում պետք է լինի իրավական ու միջազգային լեգիտիմությունը, ինչը նաև հնարավորություն է տալիս կանխելու Ադրբեջանի կողմից ոչ լեգիտիմ պահանջները։