368.59
Մի՛ վստահեք ԱԱԾ կամ ԿԲ աշխատակից ներկայացողների կեղծ զանգերին. ՆԳՆ-ն զգոնության կոչ է անում
1 րոպեի ընթերցում
Ներքին գործերի նախարարության կիբեռոստիկանությունը քաղաքացիներին կրկին զգոնության կոչ է անում կեղծ հեռախոսազանգերի հետ կապված, որոնոց ընթացքում քաղաքացիներից պահանջում են, օրինակ, հաշիվներից գումար հանել:
«Արմենպրես»-ի հաղորդմամբ՝ ՆԳՆ կիբեռոստիկանության հաղորդագրությունում մասնավորապես ասվում է. «Հարգելի հայրենակիցներ, երբ Ձեզ զանգահարում և ներկայանում են ԱԱԾ, Կենտրոնական կամ որևէ այլ բանկի աշխատակից և տարբեր պատրվակներով պահանջում են Ձեր բանկային հաշիվներից հանել գումարը և իրենց կողմից տրամադրած հաշվեհամարում լիցքավորել այն (Ձեզանից կարող են պահանջել կրիպտոակտիվային ծառայություն մատուցող բանկոմատներից QR կոդը նկարել և ուղարկել իրենց) մի՛ վստահեք:
Դրանով դուք Ձեր ֆինանսական միջոցները տրամադրում եք հանցագործներին»:
Ֆինանսական այս զեղծարարությունը կանխելու նպատակով Քրեական ոստիկանության Կիբեռհանցագործությունների դեմ պայքարի վարչությունը ակտիվ համագործակցություն է հաստատել կրիպտոտերմինալային ծառայություն մատուցող SKYLABS ընկերության հետ, որի արդյունքում հիշյալ տերմինալներով իրականացված զեղծարարությունները ամբողջովին կկանխվեն, իսկ մուտքագրված գումարը հանցագործները չեն կարողանա տնօրինել:
Բաժանորդագրվեք մեր ալիքին Telegram-ում