Մարմնամարզիկները ֆինանսական խնդիրներ ունեն աշխարհի երիտասարդների առաջնությանը մասնակցելու համար
1 րոպեի ընթերցում
Հայաստանի սպորտային մարմնամարզության երիտասարդական թիմը չի մասնակցելու աշխարհի առաջնությանը ֆինանսական խնդիրների պատճառով:
«Արմենպրես»-ի մամուլի սրահում լրագրողների հետ հանդիպման ժամանակ այս մասին ասաց Հայաստանի սպորտային մարմնամարզության թիմի գլխավոր մարզիչ Հակոբ Սերոբյանը:
«Մանիլայում կայանալու է երիտասարդների աշխարհի առաջնությունը, որին մենք չենք մասնակցելու` պատճառը ֆինանսների բացակայությունն է: Մենք գոնե մեկ մասնակից պետք է ունենայինք այդ առաջնությունում: Երկրորդ տարին է, որ պետության ֆինանսավորումը վերջանում է: Խնդրանքս է, որ ի սկզբանե տրվի այդ գումարը»,-ասաց Սերոբյանը:
Գլխավոր մարզիչը հույս է հայտնում, որ ընթացիկ տարում հավաքականը կունենա ևս մեկ ուսումնամարզական հավաքի հնարավորություն: