Հայաստանը շարունակում է հաստատուն մնալ խոսքի և մամուլի ազատությունը պաշտպանելու հարցում. ԱԳՆ-ն ՝ Հայ մամուլի օրվա առիթով
1 րոպեի ընթերցում
Հայաստանը շարունակում է հաստատուն մնալ խոսքի և մամուլի ազատությունը որպես ժողովրդավարության հիմնարար հենասյուն պաշտպանելու հարցում։
«Արմենպրես»-ի փոխանցմամբ՝ այս մասին Հայ մամուլի օրվա առիթով գրել է ԱԳՆ մամուլի խոսնակ Անի Բադալյանն X-ի իր միկրոբլոգում:
«Այսօր հպարտությամբ նշում ենք Հայ մամուլի օրը՝ ի նշանավորումն 1794 թվականին հայկական առաջին պարբերականի հրատարակման։ Սա արտացոլում է լրագրության էական դերը՝ տեղեկացված և դիմացկուն հասարակության խթանման գործում։ Հայաստանը շարունակում է հաստատուն մնալ խոսքի և մամուլի ազատությունը որպես ժողովրդավարության հիմնարար հենասյուն պաշտպանելու հարցում»,-գրել է ԱԳՆ խոսնակը: